🌿🍂🌿 ﷽ 🌿🍂🌿🍂
➖➖➖➖➖➖➖➖➖➖➖
︽︽︽︽︽︽︽︽︽︽︽︽︽
📚✧ آج کی خوبصورت بات ✧📚
︾︾︾︾︾︾︾︾︾︾︾︾︾
✍ ایک شخص کسی کے ہاں ملازم تھا۔ وہ سارا دن کام کرتا اور شام کو اپنے گھر لوٹ آتا جہاں اس کی بیوی بچوں کے علاوہ اس کی ماں بھی اس کی منتظر ہوتی تھی۔
ایک دن وہ کام پر نہ گیا تو اس کے مالک نے سوچا کہ مجھے اس کی تنخواہ میں کچھ اضافہ کر دینا چاہیئے تاکہ وہ اور دلجمعی سے کام کرے اور آئندہ غائب نہ ہو. اگلے دن مالک نے اس کی مقررہ تنخواہ سے کچھ زیادہ پیسے اسے دیئے جو اس نے خاموشی سے رکھ لئے اور کچھ نہ کہا۔
کچھ دنوں بعد وہ دوبارہ غیر حاضر ہوا تو اس کے مالک نے غصے میں آ کر اس کی تنخواہ میں کیا گیا اضافہ ختم کر دیا۔ اور اس کو پہلے والی تنخواہ ہی دی، مالک کی توقع کے خلاف اس نے اب بھی خاموشی اختیار کی اور کچھ نہ کہا،
اس پر مالک نے کہا؛ "جب میں نے اضافہ کیا تو تم خاموش رہے اور اب جب کمی کی تو پھر بھی خاموش ہو کیوں؟"
ملازم نے جواب دیا؛
جناب ! جب میں پہلے دن غیر حاضر تھا تو اس کی وجہ بچے کی پیدائش تھی اور آپ کی طرف سے تنخواہ میں اضافے کو میں نے وہ رزق خیال کیا جو وہ اپنے ساتھ لے کر آیا،
جب میں دوسری مرتبہ غیر حاضر تھا تو اس کی وجہ میری ماں کی وفات تھی اور آپ کی طرف سے تنخواہ میں کمی کو میں نے وہ رزق خیال کیا جو وہ اپنے ساتھ واپس لے گئی۔
بھلا میں اس رزق کے خاطر کیوں پریشان ہوں جس کا ذمہ خود اللہ نے اٹھایا ہوا ہے ۔ ۔ ۔ !!!
☚ خــوش رہیں، خــوشیاں بانٹیں ۔ ۔ ۔🌱
۔ 🌱 صَبَّاحُ الْخَیْرِ 🌱
➖➖➖➖➖➖➖➖➖➖➖
کوئی تبصرے نہیں:
ایک تبصرہ شائع کریں