‏اردو شاعری لیبل والی اشاعتیں دکھا رہا ہے۔ سبھی اشاعتیں دکھائیں
‏اردو شاعری لیبل والی اشاعتیں دکھا رہا ہے۔ سبھی اشاعتیں دکھائیں

اتوار، 10 جولائی، 2022

بے نگاہ آنکھوں سے دیکھتے ہیں پرچوں کو

 *A piece of poetry for the students in Examination Hall.*



Bay-nigah aankho`N se dhaikhte hien parcho`N ko...

be-khiyaal ankho`N se..

un-bunay se lafzo`N per... ungliya`N ghumate hien.



ya sawal-namay ko... dhaikhte hee jate hien.


her taraf kan-akhiyo`N se... bach-bacha k takte hien.



*dosro`N k parcho`N ko... rah-numa samajhte hien.*


shayad is tarah koii raasta hii mil jaye...!


be-nisha`N khwabo`N ka kuch pata hii mil jaye..!


mujh ko dekhte hien tu..

youn juwab-copy per hashiye lagatay hien..

jaise un ko parchay k sub jawaab aatay hien..!



is tarah k manzar Me..

imtihan-gaho`N mien.. daikhta hii rehta hoon..!


naQal kerne walon k.. nit-naye tareeko`N se..

aap lutf leta tha, dosto`N se kehta tha..!


kis taraf se janay ye...

aaj dil k aangun mien... ik khiyaal aaya hai...



*sainkaro`N sawalo`N sa ik sawal aaya hai*


waQt ki aadalat mien... zindagii ki soorat mien...

ye jo mere haatho`N mien...

 ik sawal-nama haii..


kis ne banaya hai.. ?

kis liye banaya hai?


kuch samajh mein aaya hai?



*Zindagii k parchay k..

sub sawal lazim hain...!


Sub sawal mushkil hien!



be-nigah ankho`N se daikhta hoon parche ko..


un-bunay se lafzo`N per ungliya`N ghumata hoon.


hashiye lagata hoon..


daaire banata hoon..


ye sawal-namay ko

daikhta he jata hoon ..!


*(Amjad Islam Amjad)*

جمعہ، 20 مئی، 2022

میں فلسطین ہوں

 میں فلسطین ہوں میں فلسطین ہوں

یہ میری قوم کے حکمراں بھی سنیں

میری اجڑی ہوئی داستاں بھی سنیں

جو مجھے ملک تک مانتے ہی نہیں

ساری دنیا کے وہ رہنما بھی سنیں

صرف لاشیں ہی لاشیں میری گود میں

کوئی پوچھے میں کیوں اتنا غمگین ہوں

میں فلسطین ہوں میں فلسطین ہوں

آئے تھے ایک دن میرے گھر آئے تھے

دشمنوں کو بھی تنہا نظر آئے تھے

اونٹ پر اپنا خادم بٹھائے ہوئے

میری اس سرزمین پر عمر (رضی اللہ عنہ) آئے تھے

جس کی پرواز ہے آسمانوں تلک

زخمی زخمی میں وہ شاہین ہوں

میں فلسطین ہوں میں فلسطین ہوں

میرے دامن میں ایمان پلتا رہا

ریت پر رب کا فرمان پلتا رہا

میرے بچے لڑے آخری سانس تک

اور سینوں میں قرآن پلتا رہا

زرے زرے میں اللہ اکبر لئے

خوش نصیبی ہے میں صاحبِ دین ہوں

میں فلسطین ہوں میں فلسطین ہوں

نہ ہی روئیں گے اور نہ ہی مسکائیں گے

صرف نغمے شہادت کے ہی گائیں گے

اپنا بیت المقدس بچانے کو تو

میرے بچے ابابیل بن جائیں گے

جو ستم ڈھا رہے ابرہا کی طرح

ان کی خاطر میں سامانِ توہین ہوں

میں فلسطین ہوں میں فلسطین ہوں

ہفتہ، 14 مئی، 2022

جگہ جی لگانے کی دنیا نہیں ہے

 جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


جہاں میں ہیں عبرت کے ہر سُو نمونے

مگر تجھ کو اندھا کیا رنگ و بُو نے

کبھی غور سے بھی یہ دیکھا ہے تُو نے؟

جو معمور تھے وہ محل اب ہیں سُونے


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


ملے خاک میں اہل شان کیسے کیسے

مکیں ہو گئے لا مکاں کیسے کیسے

ہوئے نامور بے نشاں کیسے کیسے

زمین کھا گئی آسماں کیسے کیسے


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


اجل نے نہ کسری ہی چھوڑا نہ دارا

اسی سے سکندر سا فاتح بھی ہارا

ہر ایک چھوڑ کے کیا کیا حسرت سدھارا

پڑا رہ گیا سب یہیں ٹھاٹھ سارا


تجے پہلے بچپن نے برسوں کھلایا

جوانی نے تجھ کو پھر مجنوں بنایا

بڑھاپے نے آ کے کیا کیا ستایا

اجل تیرا کردے گی اک دن صفایا


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


یہی تجھ کو دھن ہے دکھوں سب سے اعلا

ہو زینت نرالی ہو فیشن نرالا

جیا کرتا ہے کیا یونہی مرنے والا

تجھے حسن ظاہر نے دھوکے میں ڈالا


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


وہ ہے عیش و عشرت کا کوئی محل بھی؟

جہاں تاک میں کھڑی ہو اجل بھی

بس اب اس جہالت سے تُو نکل بھی

یہ طرز معیشت اب اپنا بدل بھی


یہ دنیائے فانی ہے محبوب تجھ کو

ہوئی واہ کیا چیز مرغوب تجھ کو

نہیں عقل اتنی بھی مجزوب تجھ کو

سمجھ لینا اب چاہیۓ خُوب تجھ کو


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


بڑھاپے سے پا کر پیام قضا بھی

نہ چونکا نہ جاگا نہ سنبھلا ذرا بھی

کوئی تیری غفلت کی ہے انتہا بھی

۔۔۔۔چھوڑ کر اپنے ہوشوں میں آ بھی


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے


جب اس بزم سے چل دئیے دوست اکثر

اور اُٹھتے چلے جا رہے ہیں برابر

ہر وقت پیش نظر ہے یہ منظر

یہاں پر تیرا دل بہلتا ہے کیونکر؟


جگہ جی لگانے کی دنیا نہیں ہے

یہ عبرت کی جا ہے تماشا نہیں ہے

منگل، 10 مئی، 2022

میں مدر ڈے کی قائل نہیں ہوں

 �تحریر ،.......در صدف ایمان🖋

.میں مدر ڈے کی قائل نہیں ہوں


✍�نئے دور میں بہت سی چیزیں ایجادات تشکیل پائیں جن میں سے ایک نئی ایجاد یہ بھی ھے کہ مختلف دن منانے کا رواج قائم ھو گیا جیسے ویلنٹائنز ڈے اپریل فول، کڈنی ڈے،فادر ڈے، مدر ڈے...اور پھر ہم مغرب کی طرز پر چلتے چلتے مشرق کے آنکھوں جارہے ہیں . میرا موضوع ہے "مدر ڈے" وہی مشرقیت جہاں ماں باپ کے مرنے کے بعد بھی ان کا ادب کیا جاتا تھا آج زندگی میں ان کی بات سننے کا وقت نہیں بلکہ ایک نئی چیز یہ مدر ڈے کے نام کی ہے .

اس دن ذرا سا مسکرا کر مل لئے, ایک آدھ گفٹ دے دیا , بیچاری ممتا کی محبت سے چور ماں اسی میں ہی خوشی سے پھولے نہیں سماتی , دعائیں دیتے نہیں تھکتی.

پر میں ہاں میں ____ مدر ڈے کی قائل نہیں ہوں ، اور میرا خیال ھے جس جس کا میرے نقطہ نظر سے اتفاق ھو گا وہ بھی مدر ڈے کا قائل نہیں ھو گا,

جب ہماری ماں نے ہمارے بچپن سے لے کر ہمارے شعور تک ہر ہر دن ہمارے لئے تکلیف اٹھائی, 

قلم پکڑنے کی ابتداء سے لے کر لفظوں کا قرطاس پر اترنے تک مشقت اٹھائی ،  

, قدم اٹھانے سے لے کر چال کی روانی تک بلائیں لیں, 

پہلا لقمہ کا کھلا نے سے رزق کمانے تک سجدہ ریز رہی, چھوٹی سے چھوٹی, بڑی سے بڑی غلطی چھپانے کیلئے دنیا سے لڑتی رہی, اس عظیم ماں کیلئے, اس انمول جنت کیلئے صرف ایک دن _____ ؟؟؟؟؟؟ جس کی پوری زندگی ہماری پرورش, تعلیم و تربیت میں صرف ھوئی اس ماں کیلئے صرف ایک دن ____؟؟؟ 

کتنی عجیب بات ھے نہ __؟

ہمارا مسئلہ یہ ھے کہ ہم مغرب کی اندھی تقلید میں اپنی تعلیمات ہی بھول گئے ہیں, مغرب سے ضرورت سے زیادہ متاثر ہیں_

مسلمانوں__ مذہب اسلام نے جو مقام عورت کو دیا کسی مذہب نے نہ دیا خصوصاً ماں کے ادب و احترام و عقیدت و خدمت کے بارے میں جو تعلیم ہمارے مذہب کی ھے کسی مذہب کی نہیں ھے, اسی لئے میں کہتی ھوں کہ میں مدر ڈے کی قائل نہیں ھوں_


میری ماں, میری جنت, میری زندگی جب ہر دم میرے ساتھ ھے تو میرا بھی ہر ہر دن, ہر ہر رات, ہر ہر لمحہ میری ماں کیلئے ھے_ کیونکہ میری ماں میری جنت ھے اور میری جنت کا کوئی نعم البدل نہیں_

کہا جاتا ھے ماں جیسی ہستی دنیا میں ھے کہاں, جب ماں لفظ کا ذکر آتا ھے لوگ بڑے ادب و احترام سے ذکر کرتے ہیں, اپنے اپنے طور پر اپنی کارگزریاں فرمانبرداریاں سناتے ہیں, پر افسوس میرا مشاہدہ ان لوگوں کے بارے میں کچھ اور ہی ھوا ھے. جس ماں سے بولنا سیکھا, اسی ماں کو چلا کر جواب دیا گیا ھے, جس ماں نے دس بار کپڑے بدل کر صاف کئے آج اسی ماں کیلئے ایک دوپٹہ خریدنے کے پیسے نہیں _

میں یہ نہیں کہتی کہ میں بہت اچھی بیٹی ھوں ___ یا میں بہت فرمانبردار ھوں ___ لیکن ہاں مجھے یہ اعتراف ھے ___ ماں جیسی ہستی دنیا میں کوئی نہیں ___ میری ماں, میری جنت کا نعم البدل دنیا میں کوئی بھی نہیں___

ہاں مجھے اعتراف ھے مجھے یقین ہے ___ پوری دنیا میری مخالف ھو جائے گی, مگر میری ماں نہیں_

اور آج اس قلم کے ذریعے ہی میں اپنے جیسی تمام بیٹیوں سمیت تمام بیٹیوں سے بھی یہ اعتراف کروانا چاہتی ھوں اور یہ کہ ____

ماں کا حق ادا کرنے کی کوشش کریں گے جس طرح بھی ھو جیسے بھی ھو, اپنی زبان کی مہارت اپنی ماں پر نہیں آزمائیں گے کیونکہ ماں وہ عظیم رشتہ ھے جس کی وجہ سے ہی آپکو زندگی سے لے کر زندگی گزارنے تک کا ہر رشتہ ملا ھے, ماں ہی وہ عظیم رشتہ ھے جس کی عظمت احادیث میں متعدد بار بیان کی گئی, ماں باپ کے بارے میں قرآن میں ارشاد فرمایا گیا_ اور ماں باپ کو اف تک نہ کہو , اور اس کے علاوہ متعدد احادیث میں ماں باپ کی فضیلت بیان کی گئی ہیں_

احادیث میں ہی بیان کیا گیا کہ ماں کا رتبہ باپ کے حق سے بھی بلند ھے_ آپ صلی اللہ علیہ وآلہ وسلم نے فرمایا_ تین اشخاص جنت میں نہیں جائیں گے, ماں باپ کی نافرمانی کرنے والا, دیوث اور عورتوں کی وضع اختیار کرنے والا (سنائی) ایک اور حدیث میں ارشاد ھے کہ سب گناھوں کی سزا اگر اللہ جاھے تو قیامت کیلئے اٹھا رکھتا ھے مگر ماں باپ کی نافرمانی کی اسکے جیتی جی پہنچاتا ھے_

اعلی حضرت امام اہل سنت مجدد دین و ملت امام احمد رضا خان علیہ الرحمہ فرماتے ہیں_ اولاد پر باپ کا حق عظیم ھے اور ماں کا حق عظیم تر, 

ایک اور حدیث مبارکہ میں ارشاد ھے کہ حضرت ابو ہریرہ رضی اللہ تعالیٰ عنہ سے روایت ھے کہ ایک شخص نے خدمت اقدس میں حاضر ھو کر عرض کی یارسول اللہ صلی اللہ علیہ وآلہ وسلم سب سے زیادہ کون اس کا مستحق ھے کہ اس کے ساتھ نیک رفاقت کروں؟ فرمایا تیری ماں, پھر عرض کی تو فرمایا تیری ماں, پھر عرض کی تو یہی فرمایا تیری ماں عرض کی پھر تو فرمایا تیرا باپ (صحیح بخاری) یہاں اس حدیث مبارکہ سے معلوم ھوتا ھے کہ ماں کا حق عظیم تر ھے اگرچہ ماں باپ دونوں ہی قابل احترام و قابل ادب ہستیاں ہیں_ لیکن سب سے بڑی تلخ حقیقت یہ ھے کہ آج کی اولاد کو نہ ماں کے حقوق کی ہرواہ رہی نہ باپ کے حقوق کی فکر __

اور اس سے بھی بڑی اور کڑوی حقیقت ھے کہ آج کی اولاد کا دل ماں باپ پر بات کرنے, خیال رکھنے, وقت دینے سے لے کر خرچ کرنے تک ہر ہر چیز میں انتہائی تنگ ھو گیا ھے_ ہمارا معاشرہ ایک اسلامی معاشرہ ھے جس میں حقوق العباد کا زیادہ خیال رکھنا چاہیئے, ہماری شریعت نے ہمیں حقوق العباد کا خاص خیال رکھنے کی تاکید کی ھے_ پھر یہ حقوق تو وہ حقوق ہیں جو ہمیں دنیا میں لائے تکلیف سہہ کر, تکلیفوں میں ہمیں ترقی بلند مقام عطا فرمایا, پر آج کی اولاد کی کم ظرفی ھے کہ بلندی ہر جاتے ہی ماں باپ پستی میں نظر آنے لگتے ہیں, ماں بیشک وہ ہستی ھے جو زبان کی تلخ پر جس کے دل میں ممتا کی محبت کا سمندر ٹھاٹھیں مارتا ھے_ جو دنیا سے لڑ جاتی ھے اپنی اولاد کی غلطی پر بھی_ جو ذرا ذرا سی تکلیف پر تڑپتی اور پھر ڈانٹتی ھے, میری ماں, میری جنت ھے, میری پہلی محبت ھے, مجھے ہی نہیں ہر انسان کو محبت کا قرینہ ماں سے ہی ملا ھے, جینے کا سلیقہ ماں سے ہی ملا ھے, پر افسوس ھے تجھ پر اے انسان کہ تو ایک ماں کو ہی خوش نہ رکھ سکا_ ماں کے قدموں کے نیچے جنت ایسے تو نہیں فرما دیا گیا, مفہوم بھی تو جانیں کہ ماں کی خدمت کے بعد جنت ملتی ھے_ 

ماں کے قدموں کو پیشانی پر سجاؤ, دنیا کی پیشانی پر تم چاند بن کر نمایاں ھو گے_

   ماں کے قدموں تلے جنت کو اپنی پیشانی پر سجا کر آخرت میں جنت پا پالیں گے , اور میں چاھوں گی کہ یہی عہد آج ہر اولاد کرے تاکہ مغرب کو معلوم ھو جائے کہ ہمیں کسی اولڈ ہومز کی ضرورت نہیں ھے اور ہم اپنے ماں باپ کا خیال خود رکھ سکتے ہیں_ ہمارے ماں باپ اولڈ نہیں بلکہ گولڈ ہیں اور گولڈ کو سینے سے لگایا جاتا ھے_

اللہ ہم سب کو ماں باپ جیسی نایاب دولت کی حفاظت کرنے کی توفیق عطا فرمائے (آمین یا رب العالمین)


💠💠💠💠💠💠💠💠💠💠💠

جمعرات، 5 مئی، 2022

جانِ احمد کی راحت پہ لاکھوں سلام

جانِ احمد کی راحت پہ لاکھوں سلام
جانِ احمد کی راحت پہ لاکھوں سلام

عالمہ ، عاملہ ، کاملہ ، عادلہ

صالحہ ، صاحبہ ، ساترہ ، سالکہ

مالکہ ، حاکمہ ، راحمہ ، عاطفہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*


صادقہ ، صالحہ ، صائمہ ، صابرہ

صاف دل ، نیک خو ، پارسا ، شاکرہ

عابدہ ، زاہدہ ، ساجدہ ، ذاکرہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*


جس کا دامن ہے سادات کا دائرہ

شاہدہ ، شاکرہ ، فاخرہ ، ناصرہ

عابدہ ، ساجدہ ، زاہدہ ، صابرہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*


فاطمہ دینِ اسلام کی ناصرہ

حامدہ ، خاشعہ ، کاملہ ، صابرہ

عادلہ ، عاطفہ ، ساجدہ ، ساترہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*


جن کا نام مبارک ہے بی فاطمہ

جو خواتین عالم میں ہیں عالیہ

عابدہ ، زاہدہ ، ساجدہ ، صالحہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*


اس کی عظمت کا ہے کب کسی کو پتہ

کب کسی پر عیاں اس کا ہے مرتبہ

جس کی خاک قدم سرمۂ چشمِ مَہ

*”سیدہ ، زاہرہ ، طیبہ ، طاہرہ*

*جانِ احمد کی راحت پہ لاکھوں سلام“*



راضیہ ، عابدہ ، ساجدہ ، شاکرہ

صابرہ ، زاہدہ ، صادقہ ، ذاکرہ

سیدہ ، زاہرہ ، طیبہ ، طاہرہ

جانِ احمد ﷺ کی راحت پہ لاکھوں سلام


قدسیوں کی در سیدہ بوسہ گہ

جن کی پاکی کی کھائیں قسم مہر و مہ

جن کا فیض جُدا اور بڑا مرتبہ

سیدہ ، زاہرہ ، طیبہ ، طاہرہ

جانِ احمد ﷺ کی راحت پہ لاکھوں سلام


صالحہ ، صادقہ ، صائمہ ، صابرہ

فاطمہ ، کاملہ ، زاہدہ ، ذاکرہ

نورِ چشمِ نبی ، عابدہ ، شاکرہ

سیدہ ، زاہرہ ، طیبہ ، طاہرہ

جانِ احمد ﷺ کی راحت پہ لاکھوں سلام

بدھ، 20 اپریل، 2022

ہے شوق سفر ایسا

 _*کشتی بھی نہیں بدلی،دریا بھی نہیں بدلا*_
_*ہم ڈوبنے والوں کا جذبہ بھی نہیں بدلا*_
_*ہے شوق سفر ایسا، اک عمر ہوئی ہم نے*_
_*منزل بھی نہیں پائی، رستہ بھی نہیں بدلا*_

کشتی بھی نہیں بدلی دریا بھی نہیں بدلا
اور ڈوبنے والوں کا جذبہ بھی نہیں بدلا

تصویر نہیں بدلی ، شیشہ بھی نہیں بدلا
نظریں بھی سلامت ہیں چہرہ بھی نہیں بدلا

ہے شوقِ سفر ایسا اِک عمر سے یاروں نے
منزل بھی نہیں پائی رستہ بھی نہیں بدلا

بیکار گیا بَن میں سونا مِرا صدیوں کا
اس شہر میں تو اب تک سِکّہ بھی نہیں بدلا

بے سَمت ہواؤں نے ہر لہر سے سازش کی
خوابوں کے جزیرے کا نقشہ بھی نہیں بدلا

غلام مُحمَّد قاصرؔ

جمعہ، 2 فروری، 2018

سامنے اس کے کبھی اس کی ستائش نہیں کی۔

سامنے اس کے کبھی اس کی ستائش نہیں کی۔

دل نے چاہا بھی اگر ہونٹوں نے جنبش نہیں کی۔

اہل محفل پہ کب احوال کھلا ہے اپنا۔

میں بھی خاموش رہا اس نے بھی پرسش نہیں کی۔

جس قدر اس سے تعلق تھا چلے جاتا ہے۔ 

اس کا کیا رنج ہو جس کی کبھی خواہش نہیں کی۔

یہ بھی کیا کم ہے کہ دونوں کا بھرم قائم ہے۔

اس نے بخشش نہیں کی ہم نے گزارش نہیں کی۔

تمنا مدتوں سے ہے جمال مصطفیٰ دیکھوں -(نعت)

ﷺ

تمنا مدتوں سے ہے جمال مصطفیٰ دیکھوں -
امام الانبیاء دیکھوں، حبیب کبریا دیکھوں -

وہ جن کے دم قدم سے صبح نے بھی روشنی پائی -
منور کر دیا جس نے، فضا وہ رہنما دیکھوں -

وہ جن کی برکتوں سے ابر و باراں بستے عالم میں -
تمنا قلب مضطر کی وہ درِّ بے بہا دیکھوں -

قدم باہر مدینہ سے تصور میں مدینہ ہے -
الہی یا الہی عظمتوں کی انتہا دیکھوں -

یہ دنیا بے ثبات و بے وفا و غم کا گہوارا -
یہ ہے مطلوب: دارِ بے وفائی میں وفا دیکھوں -

وہ مبدأ خلق عالم کا، درود ان پر سلام ان پر -
میرے مولی یہ موقع دیں کہ ختم الانبیاء دیکھوں -

کبھی ہو حسن کی محفل، کبھی ہو شوق کا منظر -
کبھی آنسو کی زنجیروں میں عاشق کی صدا دیکھوں -

رَسُولٌ قَاسُم الْخيْرَاتِ فِی الدُّنْيَا وَ فِی الْعُقْبی -
شفیق از نفس مادرِ ما، نبیِّ مجتبیٰ دیکھوں -

در جنت پہ حاضر ہوں، رسول پاک کے ہم راہ -
شفاعت کا یہ منظر یا خدایا میں رضا دیکھوں -

تمنا مدتوں سے ہے جمال مصطفیٰ دیکھوں -
امام الانبیاء دیکھوں، حبیبِ کبریا دیکھوں -

اپنی شرطوں پہ جیئے

وہ مسیحا نہ بنا ہم نے بھی خواہش نہیں کی ـ
اپنی شرطوں پہ جیئے ،اس سے گزارش نہیں کی ـ

جانے کیوں بجھنے لگے اولِ شب سارے چراغ ـ
آندھیوں نے بھی اگرچہ کوئی سازش نہیں کی ـ

اب کہ ہم نے بھی دیا ترکِ تعلق کا جواب ـ
ہونٹ خاموش رہے، آنکھ نے بارش نہیں کی ـ

اس نے ظاہر نہ کیا اپنا پشیماں ہونا ـ
ہم بھی انجان رہے، ہم نے بھی پرسش نہیں کی ـ

ہم تو سنتے تھے کہ مل جاتے ہیں بچھڑے ہوئے لوگ ـ
تو جو بچھڑا ہے تو کیا وقت نے گردش نہیں کی ؟

منگل، 30 جنوری، 2018

شادی اور جنازہ کا فرق منظوم

نکاح اور جنازہ 

نظم، شادی، جنازہ، فرق، عبرت، دعوت، اصلاح,


شادی اور جنازہ میں کیا فرق ہوتا ہے ۔ایک نظم میں خوبصورتی کا ساتھ منظر کشی کی گئی ہے ۔

فرق صرف اتنا سا تھا
فرق صرف اتنا سا تھا


تیری ڈولی اٹھی
میری میت اٹھی 



پھول تجھ پہ برسے،
پھول مجھ پر بھی برسے
فرق صرف اتنا سا تھا۔۔۔۔۔۔۔۔۔


تو سج گئی!
مجھے سجایا گیا

تو بھی گھر کو چلی
میں بھی گھر کو چلا
فرق صرف اتنا سا تھا


تو اٹھ کے گئی
مجھے اٹھایا گیا  


محفل وہاں بھی تھی
لوگ یہاں بھی تھے
فرق صرف اتنا ہے 


ان کو ہنسنا وہاں
ان کو رونا یہاں 



قاضی ادھر بھی تھا
مولوی ادھر بھی تھا 


دو بول تیرے پڑھے
دو بول میرے پڑھے
تیرا نکاح پڑھا
میرا جنازہ پڑھا
فرق صرف اتنا سا تھا۔ 



تجھے اپنایا گیا
مجھے دفنایا 

موت کی فکر نہ کرتا تھا۔۔۔۔ 


گناہ کو گناہ نہ سمجھتا تھا



دل چاہتا تھا کہ پڑھوں نماز


پر مسجد تک،  جسم نہ لے جاتا تھا۔

دنیا کی رونق میں مگن تھا۔



 وقت دوستی میں  برباد کرتا تھا۔


پر ایک دن اچانک اندھیرا چھا گیا 



آنکھ کھلی تو خود کو قبر میں پایا 



پھر اللہ نے پوچھا، کہ کیا لے کر آیا۔



گھر جانا چاہا لیکن جا نہ پایا۔




قبر کی تنہائی نے بہت ڈرایا ۔


آواز دی اپنوں کو تو کوئی نہ آیا 


وقت ہے سنبھل جا؟



قرآن کا ایک رکوع روزانا پڑھنے سے سال میں تین قرآن مکمل ہو جاتے ہیں ۔
جب آپ اس پیغام کو آگے بھیجنے لگیں گے تو شیطان آپ کو روکے گا ۔


????????

 یہ سوالیہ نشان ہے 

 دیکھتے ہیں، آپ کیا کرتے ہیں ۔
ایک سیکنڈ نہ سوچیں۔ صرف کاپی اور پیسٹ کر کے اپنے تمام نمبرز کو بھیج دیں۔۔
۔