اتوار، 10 جولائی، 2022

بچوں کے بگڑنے کے ذمہ دار

 *بچوں کے بگڑنے کے ذمہ دار* *ہم خود* 


*ایک بڑی تعداد ہے ایسے لوگوں کی جو کہتے ہیں ہمارا بچہ دوستوں میں رہ کر بگڑ گیا ہے ، باہر کے ماحول نے اسے بگاڑ دیا یے ، بچہ جھوٹ بولے تو دوستوں نے سکھایا ، بدتمیزی کرے تو دوستوں نے سکھایا ، بچہ گالی دے تو دوستوں نے سکھایا ہے ، یقین جانیں یہ سوچ ہی غلط یے ۔۔۔ !!!*


*درحقیقت بچے کے بگڑنے کی وجہ والدین کے اپنے فرائض کی عدم ادائگی ہے ، شروع سے ہی بچے کی تربیت کو اہم فریضہ سمجھا جاتا ، بچے کی پرورش کو اولین ترجیح دی جاتی تو یہ بچہ دوستوں میں جا کر کبھی خراب نہیں ہوتا بلکہ دوستوں کی اصلاح کا سبب بنتا ۔۔۔!!!*


*بچہ پیدا ہوتے ہی دوستوں میں نہیں جا بیٹھتا ، پیدا ہوتے ہی اسکے دوست اسے لینے نہیں آجاتے ، پیدا ہوتے ہی آوارہ گردی شروع نہین کرتا ، پیدا ہوتے ہی سگریٹ نہیں پکڑتا ، کم و بیش شروع کے دس سال تک بچہ مکمل والدین کے ساتھ اٹیچ ہوتا ہے اور یہی وہ دورانیہ ہے جہاں اکثر و بیشتر والدین عدم توجہ کا مظاہرہ کرتے ہیں ۔۔۔!!!*


*بچہ جب پیدا ہوتا یے اسکا دل و دماغ بلکل کورا کاغذ ہوتا ہے کہ جو دیکھے گا سنے گا وہ اس پر چھپتا چلا جائے گا، اب ہم نے اس کاغذ پر کچھ نہیں لکھا زمانہ لکھتا چلا گیا ، اگر ہم بچپن میں ہی اپنی تربیت اس کاغذ پر اتار دیتے تو زمانے کو براییاں اتارنے کے واسطے جگہ ہی نہ ملتی ۔۔۔!!!*


*جب ماں اور باپ نے اپنی تربیت شروع میں ہی بچے کے اندر اتار دی تو یہ بچہ خراب لوگوں سے مل کر خود کبھی خراب نہیں ہوگا بلکہ خراب لوگوں کے لیے اصلاح کا سبب بنے گا ۔۔۔!!!*


*ہمارے معاشرے میں تربیت کے نام پر رسمی جملے دہرائے جاتے ہیں ، بیٹا جھوٹ نہیں بولنا بری عادت ہے ، بدتمیزی کرنا بری عادت ہے اور یہ رسمی جملے کبھی بچے کے اندر نہیں اترتے بلکہ نہایت ذمہ داری کے ساتھ ، غور و فکر کے ساتھ اور دلچسپی سے کی جانے والی تربیت کو بچہ اپنے اندر اتارتا ہے ، ہم معاشرہ دیکھ لیں ہر والدین بچے کو رٹے رٹائے جملے سکھاتے ہیں لیکن فائدہ کوئی نہیں ، اور اسکی وجہ یہی کہ تربیت واسطے فکرمند نہیں ، دلچسپی نہیں ، ہاں سیکھ جائے گا ، سمجھ جائے گا ، ابھی چھوٹا ہے ، اور اسی سوچ نے بیڑا غرق کرکے رکھ دیا ہے ۔۔۔!!!*


*ڈرامے اور فلمیں دیکھتے ہوۓ مائیں بچوں کو دودھ پلا رہی ہیں ، ایک ہاتھ میں بچے کا فیڈر ہے تو دوسرے ہاتھ میں موبائل ہے ، ذرا سا بچہ رونے لگ جائے تو ٹی وی کھول کر دے دیں گے ، موبائل ہاتھ میں دے دیں گے ، اسے کارٹون لگا دیں گے ، کوئی موسیقی سن کر بچہ ہاتھ پیر ہلانے لگ جائے تو سارے گھر میں خوشی کی لہر دوڑ جاتی ہے ، اب وہ ماں اپنے بچے کی اعلی پرورش کیسے کرسکتی ہے کہ اسکی خود کی زندگی ڈرامے ، فلمیں ، موسیقی ، شاپنگ ، گھومنا گھمانا ، موبائل فیس بک تک محدود ہو ۔۔۔!!!*


*ایک نظر باپ کی ذمہ داریوں پر ڈالیں تو بس وہی رسمی معاملات کہ بچے کے خرچے پورے ہو رہے ہیں ، ضرورتیات و خواہشات پوری ہو رہی ہیں ، پورا دن کام میں مصروف ، گھر آئے کھانا کھایا ، بچے کو ایک راؤنڈ لگوا کر پھر دوستوں میں مصروف اور پھر گھر آکر موبائل میں مصروف ، اسی طرح دن پھر ہفتے اور پھر سال گذر جاتے ہیں لہذا اس بچے کی تربیت کا جو سب سے اہم دورانیہ تھا وہ والدین نے اپنی ہی مصروفیات ، اپنی ہی مستیوں میں ضایع کر دیا بعد میں سر پکڑ بیٹھے کے اولاد نا فرمان ہے ، اولاد بدتمیز ہے ، دوستوں نے بگاڑ دیا ، ماحول نے خراب کردیا ، ارے بھئی ماحول کے ساتھ تو وہ بعد میں جڑا یے ، دوست تو اسکے بعد میں بنے ہیں ، اتنے سالوں سے تو وہ آپ ہی کے پاس تھا ۔۔۔!!!*


*ماں اور باپ دونوں کو مل کر ذمہ داری کے ساتھ بچے کی تربیت کرنی ہوگی ، اپنے آپ کو لگانا ہے ، اپنے آپ کو کھپانا ہے ، اولاد کی تربیت کے واسطے ماں کی گود سب سے پہلی اور اہم درسگاہ ہے کہ ماں اسے سینے سے لگائے اپنی تربیت بچے میں منتقل کرے ، اسے اللہ کی پہچان کروائے ، اسے رسول اللہﷺ کی پہچان کروائے ، اسے دنیا میں آنے کا مقصد سمجھائے ، اسے روز مرہ معاملات کی دعائیں سکھائے ، سچ سے محبت ، سچ میں عزت ، سچ پر فضیلت ، اسکے دل میں اتارے ، جھوٹ سے نفرت ، جھوٹ میں شرمندگی ، جھوٹ پر گناہ کا یقین اسکے دل میں اتارے ، گالی ، غیبت ، چغلی اور بری باتوں سے نفرت اسکے دل میں اتارے ، رشتہ داروں سے محبت اور حسن سلوک اسکے دل میں اتارے ، جب ماں کے اندر دین ہوگا ، ماں کے اخلاق اچھے ہونگے تو یہاں نسلوں کی نسلیں پروان چڑھیں گی۔۔۔!!!*


*اسی طرح باپ ہے کہ روزانہ بچے کے ساتھ بیٹھ کر کچھ وقت گزارے ، روز مرہ کے معاملات کا پوچھے ، صحیح غلط کی پہچان کروائے ، بڑوں کا ادب ، بڑوں کی عزت سمجھائے ، غریبوں سے محبت ، ضرورت مند کی مدد کا جذبہ اور شوق اسکے اندر پیدا کریں ، اسکے سامنے یہ ٹیلیوژن موبائل ڈرامے فلمیں وغیرہ کا استعمال بلکل نہ ہو ، اسکے سامنے لڑائی جھگڑے گالم گلوچ شور شرابہ بلکل نہ ہو ، بچے کے سامنے سب سے آپ جناب سے بات کریں ، بچہ ذرا بڑا ہوجائے تو اسے نماز پر اپنے ساتھ لیکر جائیں ، اسے لوگوں سے ملنا جلنا سکھائیں ، اچھے کام پر اسکی حوصلہ افزائی ہو ، فارغ اوقات میں پاس بٹھا کر رسول اللہ ﷺ اور صحابہ کرام کے واقعات سنائیں ۔۔۔!!!*


*ایسے ماحول سے نکل کر آپ کا شہزادہ جب باہر کی دنیا میں اتا ہے تو کبھی باہر کے لوگوں سے خراب ہوکر نہیں آئے گا بلکہ انکے لئے اصلاح کا سبب بنے گا ، انکے لئے خیر کا سبب بنے گا ، جہاں جائے گا اپنی اچھائی چھوڑ آئے گا ، جہاں جائے گا والدین کا نام چھوڑ کر آئے گا ۔۔۔!!!*


*اور یہ شہزادہ دنیا میں تو والدین کے لئے سربلندی کا باعث بنتا ہی ہے لیکن اپنے اچھے اعمال و کردار کی بدولت والدین کے فوت ہونے کے بعد قبر میں بھی انکے لئے راحت و سکون کا ذریعہ بنے گا*


🧕🧕🧕🧕🧕🧕🧕🧕🧕

 *🌷تربیت اولاد🌷 و علم کا خزینہ گروپس کی مشترکہ پیشکش*

●❯───────────❮●*

مسلم ممالک اور غیر مسلم ممالک کی تعلیم کی ترجیحات

 مسلم ملکوں میں صرف 498 یونیورسٹیاں ہیں جبکہ امریکہ میں 5758، ہمارے ہمسائے اور ’’دشمن‘‘ نمبر ایک بھارت میں امریکہ سے بھی زیادہ یعنی8500 یونیورسٹیاں ہیں۔دوسری طرف ڈیلی ٹائمز کے ایک سروے کے مطابق پاکستان میں285مذہبی جماعتیں اور پارٹیاں کام کررہی ہیں جن میں سے28سیاسی اور مذہبی جماعتیں ہیں جبکہ124نے اپنا ٹارگٹ جہاد بنارکھا ہے۔


مسلم ممالک میں شرح خواندگی25سے28فیصد کے درمیان ہے اور بعض ملکوں میں تو محض دس فیصد تک ہے،ایسے ممالک کی تعداد25کے لگ بھگ ہے جبکہ ایک بھی مسلم ملک میں شرح خواندگی سوفیصد نہیں ہے.

ایک رپورٹ کے مطابق او آئی سی میں56 مسلم ممالک شامل ہیں اور ان میں بین الاقوامی سطح کی محض پانچ یونیورسٹیاں ہیں یعنی تیس لاکھ مسلمانوں کیلئے ایک یونیورسٹی۔جبکہ امریکہ میں 6ہزار ،جاپان میں نوسو پچاس چین میں نوسو اور بھارت میں8500نجی وسرکاری یونیورسٹیاں کام کررہی ہیں۔


ادھر پوری دنیا میں یہودیوں کی تعداد ایک کروڑ چالیس لاکھ ہے اور مسلمان سوا ارب ، یعنی ایک یہودی سو مسلمانوں کے برابر ہے، دوسرے لفظوں میں ایک یہودی سو مسلمانوں پر بھاری ہے، گزشتہ ایک صدی میں71یہودیوں کو تحقیق، سائنس اور ادب کے شعبے میں نمایاں خدمات کے عوض نوبل انعام مل چکا ہے جبکہ مسلم دنیا میں صرف تین افراد یہ انعام حاصل کرسکے ہیں۔


یہاں تک کہ ’’کنگ فیصل انٹر نیشنل فائونڈیشن سعودی عرب‘‘ جو ایک مسلم آرگنائزیشن ہے ،کی جانب سے دئیے جانے والے کنگ فیصل ایوارڈ کیلئے میڈیکل سائنس اور تحقیق وادب کے شعبے میںکوئی ایک امید وار بھی شرائط پر پورا نہیں اترتا۔


کیا یہ بات نیل کے ساحل سے لیکر تابخاک کا شغرکے مسلمانوں کیلئے باعث شرم نہیں کہ ڈیڑھ کروڑ یہودی ہرمیدان میں پیش پیش ہیں؟22عرب ممالک بھی ملکر اسرائیل کی ایک اینٹ تک نہیں اکھاڑ سکے نہ سائنس میں، نہ تحقیق وریسرچ میں نہ میڈیکل میں اور نہ ہی بے تیغ سپاہی کے طور پر ۔ اس کے برعکس سواارب سے زائد مسلمان اختلاف وانتشارکا شکار ہیں۔


میرا سوال ہے کہ کیا مغرب کی جدید سائنس وٹیکنالوجی کے بغیر مسجد الحرام میں30لاکھ افراد کے بیک وقت نمازیں پڑھنے کا عمل ممکن تھا؟ حرم شریف میں بجلی کا جدید نظام، آسمان کو چھوتی عمارتیں،کیا یہ سب سائنس کی وجہ سے عالم وجود میں نہیں آیا؟ یہ سب مغربی تعلیم اور عیسائی یا یہودی سائنس دانوں کی وجہ سے ہی ممکن ہوا ہے۔


درجنوں منزلوں پر لاکھوں نمازیوں کو چند لمحوں میں لے جانے والی جو لفٹس ہیں وہ ’’مومنوں‘‘ کی ایجاد نہیں ، حرم میں بہترین قسم کا سائونڈ سسٹم ہے جس سے حرم شریف اور اس کے اطراف کی درجنوں بلڈنگوں میں واقع ہزاروں کمروں میں بھی امام کی آواز واضح سنائی دیتی ہے یہ سائونڈ سسٹم بھی مسلمانوں کی ایجاد نہیں ہے۔

عالمی سطح پر تعلیمی میدان میں مسلمانوں کا تناسب 6.3فیصد ہے اور اسی عالمی سطح پر مسلمان دوسری قوموں سے85سال پیچھے ہیں

اسد مفتی کے کالم مطبوعہ روزنامہ جنگ 25 جون 2022 سے اقتباس

دعا کرتے وقت 100 چیزیں کون سی مانگیں

*آج دعا کرتے وقت 100+ چیزیں مانگنی ہیں۔ان شاء اللہ تعالیٰ*

✨✨✨✨✨✨✨

🤲🏻🤲🏻🤲🏻

یا اللّٰه ، یارحمٰن، یا رحیم، یا کریم، یا فتاح، یا متکبر، یا مجیب، یا معید، یا واحد، یا احد، یا مالک، یا قدوس، یا جبار، یا غفار، یا رزاق، یا علیم، یا واسع، یا حلیم، یا رافع، یا معز، یا سمیع، یا بصیر، یا حکم، یا العدل، یا خبیر، یا غفور،یا شکور، یا العلی، یا الولی، یا حسیب، یا جلیل، یا قوی، یا ذوالجلال والاکرام،

 یارب العالمین....


اللّٰھم صل علی محمد و علی آل محمد کما صلیت علی اِبراھیم وعلی آل اِبراھیم اِنک حمید مجید

اللّٰھم بارک علٰی محمد و علی آل محمد کما بارکت علٰی اِبراھیم وعلی آل اِبراھیم اِنک حمید مجید ۔

🤲🏻🤲🏻🤲🏻

1. یا اللہ مجھے میری زبان پر کلمہء شہادت کے ساتھ موت عطا فرمانا، مجھے اس حال میں موت دینا میرے اللّٰہ کہ آپ مجھ سے پوری طرح راضی ہوں۔


2. یا اللہ مجھے انبیاء ،صدیقین،صالحین اور شہداء کا ساتھ نصیب کرنا۔


3. یا اللہ، میرے لیے میری قبر کو کشادہ کر اور اس کو نور سے منور کر دے، اسکو جنت کے باغوں میں سے بہترین باغ بنا دینا۔


4. یا اللہ میرا نامہ اعمال علیین میں محفوظ فرما


5. یا اللہ، میرے لیے قبر کے سوال کو آسان اور ہلکا کر دینا۔


 6. یا اللہ، مجھے عبادت کی حالت میں موت عطا فرما اور دوبارہ اسی حالت میں زندہ کرنا


7. یا اللہ مجھےجزا کے دن

 خوف، اضطراب اور دہشت سے محفوظ رکھ،

مجھے، میرے دل کو قیامت کے دن پر سکون اور مطمئن رکھنا


8. یا اللہ، میرے دائیں ہاتھ میں میرا نامہ اعمال دینا


9. یا اللہ، مجھے ان لوگوں میں شامل کر جو اپنی کتابیں/نامۂ اعمال دوسروں کو خوشی سے دکھائیں۔


10. یا اللہ مجھے میزان میں میری نیکیوں کے ساتھ کامیاب فرما


11. یا اللہ، مجھے روشنی کی رفتار سے پل صراط کو عبور کرنے کی توفیق عطا فرمانا۔


12. یا اللہ، براہِ کرم میری نیکیاں دوسروں کو نہ دینا۔


13. یا اللہ، مجھے جنت میں میرے گھر والوں اور تیرے دین/قرآن کی خاطر جڑنے والوں کے ساتھ اکٹھا کرنا۔


 14. یا اللہ، میرے عیبوں اور گناہوں کو قیامت کے دن دوسروں کے سامنے نہ ظاہر کرنا-


15. یا اللہ ان گناہوں کو معاف فرما جو مجھے یاد نہیں اور وہ گناہ جن کو میں نے گناہ سمجھا ہی نہیں

یہاں تک کہ گناہوں میں شمار بھی نہیں کرتے سب کو اپنی رحمت سے معاف فرا۔


16. یا اللہ مجھے قلب مطمئنہ عطا فرما


17. یا اللہ میرے دل کو بغض، حسد، نفرت، خود پسندی، دکھاوے اور حسد سے پاک کر دے


18. یا اللہ مجھے دوسروں کی خطاٸیں معاف کرنے کی توفیق عطا فرما اور دوسروں کو ایسا بنا کہ وہ میری خطائیں معاف کر دیں۔


19. اے اللہ مجھے بہترین اور اچھے اخلاق والا بنا، نرم کلامی عطا فرما، میری زبان کو جھوٹ، چغلی اور غیبت سے بچا

اور دوسروں کو تکلیف دینے سے۔


20. یا اللہ، مجھے نا پسندیدہ حالات میں ہر مشکل اور مصیبت میں صبر جمیل اور صبر عظیم عطا فرما


21. یا اللہ مجھے صحیح عقیدہ، بہترین حافظہ اور دلائل کے ساتھ دین کی سمجھ عطا فرما۔


22. یا اللہ، میرے والدین پر رحم فرما، ان کی مغفرت فرما، انہیں اچھی صحت عطا فرما اور مجھے ان کے لیے صدقہ جاریہ بنا دیں۔


23. یا اللہ، میرے بہن بھائیوں اور ان کی شادیوں میں برکت عطا فرما۔ ہمیں اپنے ساتھ محبت سے باندھ دیں. شیطان کو ہمارا رشتہ نہ توڑنے دینا۔


 24. یا اللہ تمام مسلمانوں کو آنکھوں کی ٹھنڈک عطا فرما


25. یا اللہ ہمیں صالح اولاد عطا فرما اور ہمارے لئےانہیں صدقہ جاریہ بنا 


26. یا اللہ، مجھے عربی سمجھنے، لکھنے اور بولنے میں مدد فرما

جنت کی زبان سیکھنے کا شوق پیدا فرما۔


28. یا اللہ، مجھےمیرے عیبوں کو دیکھنے ان کو دور کرنے اور دوسروں سے پردہ کرنے میں میری مدد فرما


30. یا اللہ ہمارے رزق کو حلال، بابرکت اور رزق کریم بنا۔


31. یا اللہ، میرے بارے میں دوسروں کو تذلیل کرنے، ظلم کرنے، مذاق اڑانے یا فائدہ اٹھانےوالا نہ بنا۔


32. یا اللہ، مجھے ہمت رکھنے اور صحیح فیصلے کرنے میں مدد دے


34. یا اللہ، عاجزی کے ساتھ میراث چھوڑنے میں میری مدد فرما


35. یا اللہ، امت مسلمہ اور اسکے زندہ اور مردہ کو معاف فرما، نیکی میں برکت دے، مسلمان مظلوموں کو فتح عطا فرما۔ ان کے دلوں کو ایمان سے بھر دے۔


36. یا اللہ، میرے اعمال کو قبول فرما۔


37. یا اللہ، میرے تمام گناہ معاف فرما۔

38. یا اللہ، اے ہمارے اللہ، یا رحمن، یا رحیم، یا کریم، یاحفیظ، یا غفار، یا قدیر، یا سمیع، یا علیم، یا ذوالجلال والاکرام

برحمتک نستغیث ہماری تمام دعاؤں پر اپنی کن سے قبولیت کی مہر لگا۔


39. یا اللہ، میں تیری طرف توبہ کرتی ہوں، سر تسلیم خم کرتی ہوں۔ آپ سے گزارش ہے کہ میری دعائیں قبول فرمائیں۔


40. یا اللہ، میرے گناہوں کو معاف فرما، ایک مکمل بخشش جس کے بعد کسی گناہ کا کوئی نشان باقی نہ رہے۔


41. یا اللہ، اپنے احکام کی میری خطاؤں اور حقوق العباد کی خلاف ورزیوں کو معاف فرما


42. یا اللہ، مجھے میری کوتاہیوں پر فتح عطا فرما


43. یا اللہ، نیکی کے کام میں میری اصلاح اور ترقی فرما۔


44. یا اللہ، میری دعاؤں، عبادات اور اعمال کو قبول فرما


45. یا اللہ، مجھے صرف تیری رضا کے لیے اچھے مقبول اعمال کرنے کی توفیق عطا فرما۔


46. ​​یا اللہ، میری عبادت میں خشوع اور اخلاص حاصل کرنے میں میری مدد فرما

یا اللّٰه مجھے وقت پر نماز قائم کرنے اور نماز کا پابند بنا، نماز کو میری آنکھوں کی ٹھنڈک بنا۔


47. یا اللہ، مجھے تیرے قریب ہونے میں مدد کریں جیسا کہ میرا انجام قریب آرہا ہے۔


48. یا اللہ، مجھے آپ سے اور نبی (ﷺ)، سے دنیا کی ہر چیز سے بڑھ کر محبت کرنےوالا بنا۔

دین کو سمجھ کر اس پر عمل کرنے اور قرآن کو میرے دل کی بہار بنا۔


49. یا اللہ، میرے ایمان، توکل، یقین میں اضافہ فرما


50. یا اللہ میرے تقویٰ میں اضافہ فرما، مجھے اپنے شکر گزار بندوں میں شامل فرما۔


51. یا اللہ، مجھے ان تمام آزمائشوں میں ثابت قدم رکھنا جن کا میں سامنا کرتی ہوں۔


52. یا اللہ مجھے اپنے فرمان سے نرم دل اور اطمینان عطا فرما، قلب سلیم عطا فرما


53. یا اللہ قرآن کو دونوں جہانوں میں میرا ساتھی بنا


54. یا اللہ مجھے آخری سانس تک صراط المستقیم کی طرف رہنمائی فرما اور شرک، کفر اور بدعت سے ہمیشہ اور ہر حال میں بچا۔


✨. یا اللہ مجھے صادقیںن،محسنین، متقین، مخلصین، مومنین،ذاکرین،حامدین، متصدقین،ساجدین،زاہدین، میں شامل فرما،السابقون الاولون میں شامل کر


56. یا اللہ میرے لیے نفع بخش علم میں اضافہ فرما


57. یا اللہ مجھے دل کی بیماریوں (حسد، غرور، تکبر،کینہ اور دکھاوے) سے بچا۔


58. یا اللہ مجھے اس دنیا اور آخرت میں خوشیاں عطا فرما، 

اداسی اور افسردگی سے میری حفاظت فرما


59. یا اللہ، میری زندگی کے سفر میں مجھے اپنی روح کا تزکیہ کرنے کی صلاحیت عطا فرما


60. یا اللہ، دنیا کی محبت کو میرے دل سے نکال دے۔


61. یا اللہ، مجھے اپنے گھر میں اپنی عبادت کے لیے بلا۔اور اسے مجھ سے قبول فرما۔


62. یا اللہ، مجھے اچھا انجام عطا فرما، مجھے تجھ سے ملنے کا شوق پیدا کر


63. اے اللہ میری قبر اور برزخ کو پرامن اور ٹھنڈا ٹھکانا بنا


64. یا اللہ! مجھے یوم القیامہ میں اپنے عرش کا سایہ عطا فرما

65. یا اللہ، مجھے میرے داہنے ہاتھ میں نامہ اعمال عطا فرما۔

 میرا میزان (پیمانہ) نیکیوں کے ساتھ بھاری بنائیں


66. یا اللہ مجھے اپنے پیارے نبی صلی اللہ علیہ وسلم کے ہاتھ سے حوض کوثر سے پینے کی توفیق عطا فرما۔


67. یا اللہ، صراط اور قنطرہ (جنت سے پہلے کے پل) کے گزرنے کو آسان فرما


68. یا اللہ، مجھے آخرت میں آپ کو دیکھنے کی آخری نعمت عطا فرما


69. یا اللہ،میرے اور میری/میرے شریک حیات کے درمیان محبت کی حفاظت فرما اور اسے بڑھا دے اور ہمیں برکت دے جب تک ہم زندہ ہیں۔


70. یا اللہ، ایک دوسرے کے ساتھ ہمارے رویے کو بہتر بنائیں

71. یا اللہ، میری/میرے شریک حیات کو اس کا بہترین اجر عطا فرما جو میرے اہل و عیال کے لیے ان کی کوشش ہے



72. اے اللہ، قرآن اور تیرے احکام کو ہمارے تمام معاملات میں ہمارا فیصلہ کرنے والا بنا


73. یا اللہ، ہمارے دین کے عمل کو ایک ساتھ مضبوط کر


74. یا اللہ، ہمیں جنت الفردوس کی ابدی خوشیوں میں داخل فرما


75. یا اللہ، ہمیں جسمانی اور جذباتی طاقت کے ساتھ اچھے والدین اور اپنے بچوں کے لیے ایک اچھی مثال بننے کی توفیق عطا فرما


76. یا اللہ ہمارے بچوں کوان کی زندگیوں میں ہماری غلطیوں کے اثر سے بچا



77. یا اللہ ہمیں نیک اولاد عطا فرما


78. یا اللہ، ہمارے بچوں کو ہماری آنکھوں کی ٹھنڈک بنا

ان کو میرے اور میرے شوہر کے لیے صدقہ جاریہ بنا دے


80. اے اللہ میرے گھر والوں کو شر، آفات، حسد اور شیاطین سے انسان اور جن سے محفوظ فرما


81. یا اللہ ہمارے بچوں کو کفر، حرام اور تباہی نقصان، بیماریوں سے محفوظ فرما،


82. یا اللہ ہمارے بچوں کو دین و دنیا اور آخرت میں کامیابی عطا فرما آخرہ۔ ہمیں یوم القیامہ تک صالح اولاد کا سلسلہ عطا فرما


83. یا اللہ ہمارے تمام نسب کو جنت الفردوس میں ملا دے۔


84. یا اللہ ہمارے بچوں کو اپنے دین، حفظ القرآن، داعی، ائمہ، علماء، فقہا اور شہداء کے کام کرنے والا بنا۔


85. یا اللہ، ان کو ہمارے لیے جنت کا سبب بنا اور جہنم کی آگ سے ڈھال بنا


86. یا اللہ مجھے اور میرے تمام اہل و عیال کو جہنم کی آگ سے بچا اور بغیر حساب کے جنت الفردوس میں داخل فرما


87. یا اللہ، آپ الغفار ہیں ، میرے والدین کو معاف کردیں۔


88. یا اللہ، ان کو دنیا اور آخرت میں بڑے پیمانے پر اجر عطا فرما


89. یا اللہ ان کے درجات بلند فرما اور انہیں جنت الفردوس عطا فرما


90. یا اللہ مجھے بڑھاپے میں ان کی آنکھوں کی ٹھنڈک بنا دے 

91. یا اللہ میرے بہن بھائیوں کو دنیا اور آخرت میں کامیابی عطا فرما۔


92. یا اللہ میرے والدین، میری یوی/شوہر کے والدین، میری بہنوں اور بھائیوں، میرے بزرگوں اور پوری امت کے درجات بلند فرما۔


93. یا اللہ ان کو بیماریوں اور بڑھاپے کی مشکلات سے بچا


94. یا اللہ، میرے اہل و عیال اور امت کے جوانوں اور بوڑھوں کے گناہوں کو بخش دے


95. یا اللہ، انہیں برزخ میں پر سکون وقت عطا فرما جب تک کہ وہ تجھ سے نہ ملیں

96. یا اللہ ہمیں دجال، یاجوج 

ماجوج اور یوم آخرت اور فتنوں سے بچا۔


97. یا اللہ، میرے اہل خانہ اور دوستوں کو اولاد عطا فرما جو اولاد کے تحفے کے منتظر ہیں۔


98. یا اللہ، میرے دنیاوی ساتھیوں کے دلوں کو جوڑ دے جو آپ کے لیے کام کرتے ہیں اور ہمارے بھائی چارے کو مضبوط کرتے ہیں


99. یا اللہ، خاندانی/ ازدواجی مشکلات سے گزرنے والوں کے دلوں کو جوڑ دے


101. یا اللہ، میرے بھائیوں اور بہنوں کو جنگ کے علاقوں اورظلم و ستم، عصمت دری، ذبح اور ذلت سے محفوظ رکھیں 


102. یا اللہ ان کی تکالیف کو دور فرما اور ان کے درجات بلند فرما


103. یا اللہ ان (جدید دور کے، فتنوں، فرعونوں، ظالموں کو نیست و نابود فرما اور جو محروم، نا حق بوجھ تلے ڈوبے، مظلوم اور قرضوں میں ڈوبے ہوئے ہیں ان کو اپنی رحمت کے سائے میں لے کر تمام آفات سے نجات عطا فرما۔


104. یا اللہ، اس شخص پر رحم فرما جس نے یہ دعا لکھی اور اسے ان کے لیے اور ان کے اہل خانہ کے لیے صدقہ جاریہ بنا دے آمین ۔


105. یا اللہ اس انسان پر رحم فرما جس نے ان دعاؤں کو آگے بڑھایا اور اسے اسکے لیے بھی صدقہ جاریہ کا ذریعہ بنا، ان کے لیے اور ان کے اہل خانہ کے لیے آمین


 106۔ یا سمیع الدعا ،

تو سب کچھ سننے والا اور جاننے والا ہے! 

ہماری تمام جائز دعائیں ہمارے حق میں قبول فرما۔


آمین یا رب العالمین

🤲🏻🤲🏻🤲🏻

💦💦💦 ۔

دس 10 عادات مبارکہ

 *رسولﷺ کی "۱۰ عاداتِ مُبارکہ"، آپﷺ پوری حیات طیبہ بیمار نہ ہوئے۔*


“۰۱”۔ *"صبح جلدی اٹھنا"*


رسول اللہﷺ صبح بہت جلد اٹھ جایا کرتے تھے بلکہ ایسی کوئ روائت نہیں ملتی کہ آپﷺ کی تہجد بھی کبھی قضاء ہوئ ہو۔ 


☜ سورج نکلنے سے کچھ وقت قبل اور ایک گھنٹہ بعد تک کا وقت آکسیجن سے بھرپور وقت ہوتا ہے۔ 


☜ آج سائنسی تحقیق کی بنیاد پر بھی صحت کے اعتبار سے 24 گھنٹوں میں یہ بہترین وقت ہوتا ہے کہ جس میں آپکو زیادہ سے زیادہ آکسیجن لینے کا موقع ملتا ہے جو کہ آپکی صحتمند زندگی کیلئے ایک بہترین مفید عمل ہے۔


“۰۲”۔ *"آنکھوں کا مساج*


صبح نیند سے اٹھنے کے بعد رسول اللہﷺ آنکھوں کا مساج فرمایا کرتے تھے۔


☜ باڈی کا پورا نظام گیارہ سسٹم پر مشتمل ہوتا ہے۔


☜ نیند سے اٹھنے کے بعد یہ سسٹم بحال ہونے میں 11 سے 12 منٹ لیتا ہے ۔ 


☜ اگر آپ آنکھوں کا مساج کرتے ہیں تو یہ سسٹم 10 سے 15 سیکنڈ میں فوراً بحال ہو جاتا ہے۔


“۰۳”۔ *"بستر پر کچھ دیر بیٹھے رہنا"*


رسولﷺ بستر سے اٹھ کر کچھ دیر بیٹھے رہتے تھے اور معمول تھا کہ 3 دفعہ سورہ اخلاص پڑھتے تھے۔ کہ جس کو پڑھنے میں تقریباً 1 منٹ صرف ہوتا ہے۔ 


☜ آج میڈیکل سائنس بتاتی ہے کہ ہمارے دماغ میں ایک capillary ہے کہ جسکے ایک حصے سے دوسرے حصے کیلئے بلڈ کیلئے ایک پل بنتا ہے۔


☜ اس طرح اس پل کے ذریعے سے ہی ہمارے پورے دماغ کو بلڈ کی سپلائی بحال ہوتی ہے کہ جہاں سے ہمارے تمام تر اعصاب یعنی پورا جسم کو کنٹرول ہونا ہوتا ہے۔


☜ اگر کوئ شخص صبح بیدار ہونے پر اچانک آٹھ کر چل دے کہ جبکہ ابھی برین میں بلڈ کی سپلائی بحال نہیں ہوئ تو اس شخص کو یہاں برین ہیمریج ہو سکتا ہے یا وہ برین کے کئ دوسرے پیچیدہ مسائل کا شکار ہو سکتا ہے کہ جس میں اچانک جسم کے کئی حصوں کا مفلوج ہونا (فالج) بھی شامل ہے۔


☜ جبکہ اگر وہ صرف ایک منٹ بیٹھا رہے کہ اسکے دماغ میں بلڈ کی سپلائی بحال ہو سکے تو بہت سے پیچیدہ مسائل سے بچ سکتا ہے۔ 


☜ یہ باقاعدہ ایک سائنس ہے اور اس ایک حدیثِ مبارکہ کے پیچھے بہت سے پروفیسر ڈاکٹرز کی ریسرچ شامل ہے کہ جس میں غیر مسلم ریسرچرز نے بھی اتفاق کیا ہے کہ ہمیں محمدﷺ کی اس سنت کے مطابق صبع اٹھنے کے بعد بیڈ پر کچھ دیر بیٹھے رہنا چاہیے۔ 


☜ اسکا فائدہ یہ ہے کہ دماغ پوری طرح سے ایکٹو ہو کر ہمارے جسم کی بھرپور راہنمائ کے قابل ہو جاتا۔


☜ یہ سنت مبارکہ جہاں بہت بڑا آجر و ثواب ہے وہاں صحت کا بہت بڑا راز بھی ہے۔


“۴” ۔ *"قیلولہ کرنا"*


آپﷺ کی عادتِ مبارکہ تھی کہ دوپہر کے کھانے کے بعد ایک گھڑی کیلئے (20 سے 25 منٹ) آپﷺ لیٹ جایا کرتے تھے۔


☜ اسکا فائدہ یہ ہے کہ تقریبا 68% افراد میں جب وہ لنچ کرتے ہیں تو انکا معدہ تھوڑی مقدار میں الکوحل پیدا کرتا ہے۔


  ☜ ایسے میں اگر انسان چل پھر رہا ہو تو وہ چکرا کر گر سکتا ہے، یا اس پر خمار کی سی کیفیت طاری ہو سکتی ہے۔


 ☜ یہی سبب ہے کہ آپ ہمیشہ دوپہر کے کھانے کے بعد آپنے آپ کو تھوڑا بوجھل سا محسوس کرتے ہیں۔


 ☜ اگر ہم کچھ دیر لیٹ جائیں تو الکوحل سے پیدا ہونے والے خمار کا ذہن پر زیادہ دباو نہیں آئے گا اور وہ باڈی فنگشنز کیلئے زیادہ فعال رہے گا اور ہم کسی بھی طرح کے حادثے سے بچ سکیں گے۔


☜ اسکے علاوہ بھی اس سنتِ مبارکہ پر عمل نہ کرنے کی صورت میں بہت سے صحت کے مسائل کا خدشہ رہتا ہے۔


☜ چونکہ یہ بات آج تحقیقات سے ثابت شدہ ہے اسلئے دنیا بھر کے ممالک میں بیشر 1 سے 2 یا 3 بجے تک دوپہر کا وقفہ کیا جاتا ہے تاکہ لوگ لنچ کے بعد کچھ قیلولہ کر سکیں۔


☜ آج پورا یورپ رسول اللہﷺ کی سنت کو عملاً اپنائے ہوئے ہے اور پورے یورپ میں دوپہر 1 سے 3 بجے تک کا وقفہ ہوتا ہے۔ انہوں نے سنتِ رسولﷺ پر ریسرچ کی، اپنایا اور ہم سے کہیں بہتر صحت کا معیار رکھتے ہیں۔


“۵” ۔ *"کھانے سے پہلے پھل نوش فرمانا"*


رسول اللہﷺ ہمیشہ کھانا کھانے سے پہلے فروٹ نوش فرمایا کرتے تھے آپﷺ کی عادتِ مبارکہ تھی کہ آپ کھانے کے بعد پھل نوش نہ فرما تے تھے۔


☜ مختلف پھلوں میں 90 سے 99 % تک پانی کی مقدار ہوتی ہے آپﷺ نے چونکہ کھانا کھانے کے بعد پانی پینے سے منع فرمایا ہے جبکہ کھانے سے قبل پانی پینے کی ترغیب دلائی ہے۔


 ☜ اس لئے مختلف پھل بھی چونکہ پانی کی بہت زیادہ مقدار رکھتے ہیں اس لئے انکو کھانے سے پہلے کھانے سے جسم اور خاص طور پر معدہ اور آنتوں کو توانائی ملتی ہے۔


☜ کیونکہ کھانے کو ہضم کرنے میں معدہ اور آنتوں کا بہت اہم کردار ہوتا ہے اور یہ عمل انکی کارکردگی بڑھانے میں انکے لئے مددگار ثابت ہوتا ہے ۔ اور یہ بات بھی سائنسی مشاہدات سے ثابت شدہ ہے۔ فروٹ میں موجود غزائیت سے خالی معدہ کو زیادہ فائدہ ہوتا ہے۔ 


“۶” ۔ *"غذا کے بعد پانی نہ پینا"*


رسول اللہﷺ کبھی بھی کھانے کے بعد پانی نہ پیتے تھے۔


☜ آج علم و تحقیق سے جو باتیں سامنے آئ ہیں ان سے پتا چلتا ہے کہ اس سنتِ مبارکہ پر عمل نہ کرنے کے اسقدر نقصانات ہیں کہ گمان بھی نہیں کیا جا سکتا۔ 


☜ جب ہم کھانے کے بعد پانی پیتے ہیں تو کھانے میں جسقدر بھی فیٹس ہوتے ہیں وہ کھانے سے نکل کر معدے کے اوپر والے حصے کی طرف آجاتے ہیں۔


☜ باقی کھانا ہاضمے کے دوسرے مرحلے کیلے چھوٹی آنت میں چلا جاتا ہے اور اس طرح معدے میں رہ جانے والا فیٹ اور پروٹین معدے کے اند انتہائ نقصان دہ گیسسز پیدا کرتے ہیں جبکہ ان سب کو کھانے کیساتھ مکس ہو کر نظام انہظام کے اگلے مرحلے میں جانا تھا۔ ہم نے پانی پی لیا یا فروٹ کھا لیا تو یہ ہماری صحت کی بربادی کیلئے معدے ہی میں رہ گئے۔


☜ ایک حدیث رسولﷺ کا مفہوم ہے کہ اگر کھانا کھا لینے کے بعد پانی کے حاجت ہو تو محض چند ایک گھونٹ لے لو اور اسکے بعد روٹی کا ایک لقمہ کھا لو۔


☜ جاپانی ریسرچ ہے کہ کھانے کے بعد پانی پینے سے جو فیٹ اوپر آ رہے تھے اور آپ نے جو بعد میں لقمہ کھا لیا تو فیٹس کے اوپر آنے کا سلسلہ نہ صرف وہیں رک جاتا ہے بلکہ وہ دوبارہ غذا کا حصہ بن جاتے ہیں۔


☜ اسلئے کھانا کھانے کے بعد پانی ہرگز نہیں پینا چاہیے کہ چو پیٹ میں نہ صرف گیسسز، تیزابیت، بدہضمی کا باعث بنتے ہیں بلکہ بہت سے دل کے امراض کا تعلق بھی اسی سنتِ مبارکہ پر عمل نہ کرنے کے سبب سے ہی ہے۔ 


“۷” ۔ *"وضو"*


☜ ہم دن میں پانچ فرض نمازوں کیلے کم از کم پانچ بار وضو کرتے ہیں کیونکہ وضو کے بغیر نماز نہیں ہوتی اور منہ، ناک ہاتھ، بازو، سر اور پاوں دھوئے بغیر وضو نہیں ہوتا۔ یعنی دن میں پانچ بار ہم جسم کے ان تمام اعضاء کو دھوتے ہیں۔  


☜ وضو میں ہم جسم کے تمام ظاہری اعضاء دھوتے ہیں کہ جن پر مٹی اور کاربن لگ جاتی ہے۔ 


☜ آج سائنسی مشاہدات یہ بات ثابت کرتے ہیں کہ جسم کے جن اعضاء پر مٹی یا کاربن لگ جاتی ہے تو اگر ان کو صاف نہ کیا جائے اور وہ جسم کے اس حصے پر زیادہ دیر لگے رہیں تو ان اعضاء اور دماغ کا کنکشن کمزور ہو جاتا ہے۔ یعنی جسم کا اعصابی نظام کمزور ہو جاتا ہے۔


☜ چونکہ وہ مسلسل دماغ کو یہ پیغام بھیج رہے ہوتے ہیں کہ جسم پر کوئ چیز آ گئ ہے اور اسکی صاف کا اہتمام کیا جائے۔


☜ اگر ایک شخص صبح منہ دھوتا ہے اور اسکے بعد شام میں آکر دھوتا ہے تو اسکے اعضا اور دماغ کا تعلق کمزور پڑ جاتا ہے کہ جس سے بعد میں وہ بہت سے اعصابی مسائل کا شکار ہو سکتا ہے۔


 ☜ اسلام کم از کم دن میں پانچ بار آپکے اعضاء کی صفائی کا بند بسٹ کرتا ہے اور جمعہ کے روز ناخن، زیر ناف اور بغلوں کے غیر ضروری بال کاٹنے سمیت مکمل صفائی کا اہتمام کرتا ہے اسی لئے جمعہ کا غسل ہر مسلمان پر واجب ہے۔ 


☜ رسول اللہﷺ نے نہ صرف ایسا کرنے کا حکم فرمایا ہے بلکہ یہ سب آپﷺ کی سنت مبارکہ کا حصہ بھی ہے۔   


 


“۸” *"جلد سونا"*


رسولﷺ کی ایک اور عادتِ مبارکہ یہ بھی تھی کہ آپﷺ رات جلد سو جایا کرتے تھے۔ عموما آپﷺ نماز عشاء کے فورا بعد سو جاتے تھے۔ یعنی رات جلد سونا اور صبح جلد اٹھنا آپﷺ کے معمولات میں شامل تھا۔


☜ ہماری بایولاجیکل واچ جو کہ ہمارے پورے جسم کے نظام کو منظم کرتی ہے جب یہ باہر اندھیرا دیکھتی ہے تو یہ آپکے جسم کو سونے کا سگنل دے دیتی ہے جسم کو تیاری کیلئے یہ ڈیڑھ سے دو گھنٹے کا ٹائم دیتی ہے کہ اس وقت تک آپکو لازمی سونا ہے۔ 


☜ نوٹ کیجئے کہ نماز مغرب اور نماز عشاء میں بھی تقریبا اتنا ہی دورانیہ ہوتا ہے ا


☜ اسکا فائدہ یہ ہوتا ہے کہ آپکے جسم کے اندر بایولاجیکل واچ کے تحت ایک ڈاکٹر جاگ جاتا ہے جو آپکے پورے جسم کی مینٹیننس کرتا ہے۔ اگر کہیں زخم آگیا ہے وہ اسکو ریپئر کر گا۔ اگر جگر یا کسی اور اعضاء میں کچھ مشکل ہے تو اس پر کام کرے گا۔


☜ بلکہ سونے کے بعد سب سے پہلے جگر پر ہی کام ہوتا ہے اور جو جگر کے مریض ہیں انکے لئے یہ رائے بھی ہے جہاں وہ اپنا علاج کر رہیں ہیں وہ اپنی جگہ لیکن اپنے نیند کے نظام کو بہتر کر کے اپنے جسم کے ڈاکٹر کو علاج کا موقع دیجئے اور پھر اسکے ثمرات دیکھیے۔ 


☜ رات 10 بجے سے بارہ بجے تک جگر اور اسکے ارد گرد کے اعضاء کی مینٹیننس ہوتی ہے اور اسکے بعد درجہ بدرجہ پورے جسم کی مینٹیننس ہوتی ہے اور یہ عمل روزانہ کی بنیاد پر ہوتا ہے۔


☜ اللہ ربالعزت نے آپکے جسم میں ایک آٹومیٹک نظام رکھا ہے اور یہ نظام تب کام کرتا ہے کہ جب آپ جلدی سونے کی عادت اپناتے ہیں۔ 


☜ عہد جہالت میں عربوں میں ایک رواج تھا کہ رات کے کھانے کے بعد انکے ہاں شعر و شاعری اور دیو مالائ کہانیوں کی محفلیں ہوتی تھیں جو رات گئے دو بجے تک چلتی رہتی تھیں اور اس ماحول میں رسولﷺ کا رات جلدی سونا بھی انکے نزدیک ایک قابل اعتراض عمل تھا۔


☜ یہ تو عہد جہالت تھا لیکن آج ماڈرن ایج کا دعوہ کرنے والے ہم مسلمانوں کے ہاں بھی دیر تک جاگنے کو نہ صرف قابل اعتراض نہیں سمجھا جاتا بلکہ کچھ حد تک تو قابل فخر بھی جانا جاتا ہے۔ عہد جہالت کی محفلوں کی جگہ آج ماڈرن انٹر نیٹ اور سیٹیلائٹ ٹیکنالوجی نے لے لی ہے۔


 ☜ لیکن جلدی سونا رسول اللہﷺ کے معمولات میں تھا کیونکہ جسم کے اندرونی ڈاکٹر کی افادیت سے واقف تھے اور یہی وجہ ہے کہ پوری حیاتِ مبارکہ میں رسول اللہﷺ ایک لمحے کیلئے بھی بیمار نہیں ہوئے۔ 


“۹”۔ *"مسواک کرنا"*


رسول اللہﷺ مسواک کو بہت پسند فرما تے تھے اور خصوصا دن میں پانچ دفعہ ہر نماز میں وضو کیساتھ تو ضرور اسکا اہتمام فرما تے تھے۔


☜ اسکے علاوہ بھی جب گھر تشریف لاتے، کسی محفل میں حاضری سے پہلے غرض موقع بے موقع مسواک کا اہتمام کرتے اور مسواک کو بہت محبوب رکھتےﷺ ۔


☜ ہوتا یہ ہے کہ جب ہم کھانا کھاتے ہیں تو دانتوں کے درمیان کھانے کے کچھ نہ کچھ ذرات ضرور رہ جاتے ہیں اور کھانے کے ایک گھنٹے بعد ان میں بیکٹیریا پیدا ہو جاتے ہیں۔ 


☜ محسوس کیجئے گا کہ دانتوں میں رہ جانے والے ذرات دو گھنٹوں پر نرم ہو جاتے ہیں اور اسکی وجہ یہ بیکٹیریا ہی ہیں۔


☜ اس لئے ہمیں کہا گیا کہ کھانے سے پہلے، بعد، سونے سے پہلے، بعد مسواک کا اہتمام کیا جائے۔ ورنہ یہ آپکے ہارٹ اٹیک کا بھی سبب بن سکتی ہے۔


 ☜ آج امریکہ اور مغربی ممالک میں صبح اٹھتے بغیر دانت منہ صاف کیے کھانے پینے کا رواج عام ہے جو ان میں طرح طرح کی بیماریوں کا سبب بن رہا ہے۔


 ☜ آسٹریلیا کی ایک یونیورسٹی نے ہارٹ اٹیک کے پانچ سو مریضوں پر ریسرچ کی انہوں نے جہاں اور بہت سی وجوہات بیان کیں وہاں ایک کامن وجہ یہ بھی سامنے آئ کہ یہ لوگ ٹوتھ برش کرنے کے عادی نہ تھے جسکے سبب انکے دانتوں میں جما میل پیٹ میں جا کر اسقدر ملٹی پلائ ہوا کہ وہ ہارٹ کی آرٹریز کو بلاک کرنے کا سبب بنا۔


 ☜ انکو ہارٹ اٹیک کا اصل سبب انکے دانتوں کا میل تھا جبکہ ہمیں رسول اللہﷺ مسواک کی اس حد تک تلقین فرمائ کہ ایک موقع پر فرمایا کہ اگر امت پر بھاری نہ ہوتا تو میں امت پر مسواک کو فرض قرار دے دیتا۔


☜ آج کی ماڈرن سائنس یہ ثابت کر چکی ہے کہ جن لوگوں کو ٹوتھ برش زیادہ کرنے کی عادت ہوتی ہے انکو غصہ کم آتا ہے اور وہ اکثر ٹھنڈے مزاج، پرسکون رہتے ہیں۔


☜ جس شخص کو زیادہ غصہ آتا ہو، بلڈ پریشر اکثر ہائی رہتا ہو، طبیعت میں بےچینی، تو وہ زیادہ سے زیادہ مسواک کیا کرے دو تین ماہ ہی میں وہ اسکے حیران کن معجزاتی اثرات پائے گا۔


“۱۰”۔ *"ہفتے میں دو روزے"*


رسول اللہﷺ کے معمولات میں پیر اور جمعرات کا روزہ بھی شامل تھا اور آپﷺ نے ان روزوں کو رکھنے کی ترغیب بھی دلائ۔ یعنی کہ ہفتے میں دو روزے۔ 


☜ رسول اللہﷺ کا قولِ مبارک ہے کہ مسلمان ایک آنت میں کھانا کھاتا ہے جبکہ کافر تین آنت میں۔ اور ہمیں نصیحت فرمائ کہ جب خوب بھوک لگے تو کھانا کھاو اور ابھی بھوک باقی ہو تو چھوڑ دو۔ 


قولِ۔ *یہ عمل آج جدید میڈیکل کی زبان میں۔ "آٹو فیجیا" (Autophagia) کہلاتا ہے۔*


☜ یہ انسانی جسم کو صحتمند رکھے کا بہت عظیم راز ہے۔ 


☜ ہوتا یہ ہے کہ جب ہم معمول کے مطابق اپنی ضرورت سے زیادہ کھانا کھاتے رہتے ہیں تو جسم میں ایکسٹرا پروٹین، فیٹس اکٹھے ہو جاتے ہیں جو کہ جسم کی ضرورت سے زائد ہونے کے سبب حسم میں زہر کا کردار ادا کرتے ہیں اور مختلف بیماریوں کا سبب بنتے ہیں۔


☜ آج کی عام بیماریاں شوگر، کولیسٹرول اور بلڈ پریشر کا بنیادی سبب یہی ایکسٹرا فیٹس ہی بنتے ہیں۔


☜ جب آپکو بھوک لگتی ہے تو جسم کے "ہنگر جوسز" (hunger juices) یعنی جسم میں کھانا ہضم کرنے کا خود کار نظام پوری طرح سے تیار ہو جاتا ہے۔ 


☜ اگر ہم نے سو لقمے کھانے تھے مگر ستر پر ہاتھ روک لیا تو باقی تیس لقمے کہ جنکی جسم کو ضرورت تھی جسم وہ ضروت ان ایکسٹرا پروٹین اور فیٹس کو کھا کر پورا کرتا ہے۔


☜ جسم اپنے خودکار نظام کے تحت اکٹھے ہونے والے زہر کو ختم کرتا رہتا ہے اور آپ صحتمند رہتے ہیں۔


☜ اب جب تین روز کچھ کوتاہی ہو گئی اور آپ نے پیر کو روزہ رکھ لیا تو دن بھر کے طویل روزے کے باعث *آٹو فیجیا* کے عمل کو ایکٹو ہونے کا بھرپور موقع ملتا ہے اور تین روز کی کوتاہی کو وہ ریپئر کر دیتا ہے پھر دو روز کے معمولات اور جمعرات کا پھر روزہ۔ 


☜ جب یہ سنتِ رسولﷺ آپکے معمولات کا حصہ بن جاتی ہے تو بیماری پیدا کرنے والے سیل *آٹو فیجیا* کا عمل ہفتے میں دو بار دھرائے جانے کے باعث اکٹھے ہی نہیں ہو پاتے اور آپ سدا صحتمند رہتے ہیں۔


*آج ہم سائنسی تحقیقات پر بہت یقین رکھتے ہیں، کیا ہم اس انتظار میں ہیں کہ سائنس رسول اللہﷺ کی سنتِ مبارکہ کو پروف کرے تو ہم اللہ کے رسولﷺ سنتوں پر عمل کرنا شروع کریں گے۔* 


حقیقت یہ ہے کہ سائنس رسول اللہﷺ کی سنتوں سے بہت پیچھے ہے اور آپﷺ کی ساری حیاتِ طیبہ، سنتیں ہمارے لئے مشعل راہ ہیں اور انہی میں ہمارے لئے دنیا و آخرت کی کامیابیاں اور راحتیں ہیں۔  


*لَقَدۡ كَانَ لَكُمۡ فِىۡ رَسُوۡلِ اللّٰهِ اُسۡوَةٌ حَسَنَةٌ*


(اے مسلمانو ! ) تمہارے لیے اللہ کے رسولﷺ (کی زندگی) میں ایک بہترین نمونہ ہے الأحزاب۔21"

قربانی۔۔۔۔۔لوفروں اور نشیئوں کا بھی خیال رکھیے

 *قربانی۔۔۔۔۔لوفروں اور نشیئوں کا بھی خیال رکھیے*    


👉  



👈 گوشت ان محلے دار اور لوگوں کو ضرور بھجوائیں جن کی اپنی قربانی نہیں ھے ۔ کیونکہ یہ رواج بن گیا ہے کہ رشتہ داروں کو گوشت ضرور بھیجا جاتا ہے چاہے ان کی اپنی دو قربانی موجود ہوں اور گوشت کے انبار لگے ہوں ۔


👈یاد رکھیں کہ غریبوں کے بچے بھی کلیجی اتنی ہی پسند کرتے ہیں جتنی آپکے بچے۔ اسلئے ، کلیجی کی قربانی بھی کریں۔ 


👈اس بار اپنے ملازموں کے ساتھ ساتھ ، علاقے کے نکموں ، نشئیوں ، چور اچکوں ، لوفروں ، بات نہ ماننے والوں اور آپ کی رقم دبانے والوں کو بھی گوشت بھجوائیں ۔

 وہ بھی انسان ہیں اگرچہ آپ کو پسند نہیں ۔


👈 بکرے ، بیل کے گوشت کے وہ حصے جو آپکو زیادہ پسند ہوں ، خود بے شک رکھیں مگر اللّٰہ کی راہ ضرورتمندوں کو بھی ضرور بھیجیں ۔ 


👈 گوشت جلدی بھیجیں ، کھانا کھا کر ، کوک پی کر ، آئس کریم ختم کرکے ، تو سب بانٹتے ہیں۔ آپ اس بار یہ کریں کہ جب تک آپ کا کھانا تیار ہو ، گوشت بانٹتے رہیں۔  


👈 یاد رکھیں ، جن کی اپنی قربانی نہیں ہوتی ، ان کی خواتین بھی آپ کی خواتین کی طرح دیگچے دھو کر ، آٹا گوندھ کر بیٹھی ہوتی ہیں اسلئے امیدوں کو پورا کرنے والے بنیں۔


👈 گوشت دیتے وقت ، پلیٹ میں دو ہڈیاں ، ایک لوتھڑا چربی ، دو ٹکڑے اوجڑی ، ایک ہڈی سر کی ، ایک ٹکڑا دم کا پلیٹ میں پھینکنے سے پرہیز کریں۔ قربانی پسندیدہ چیزوں کی ہوتی ہے۔ 


👈چانپ خالہ جی کو ، دستی ماموں صاحب کو ، اگلا چوڑا شاہ جی کے ہاں اور رانیں ، روسٹ والوں کے ہاں ! نہيں کرنا یہ کام اس بار ! ۔۔ ضرورت مندں کا بھی خیال رکھنا 


👈ڈر ہے کہ قربانی واپس منہ پہ نہ مار دی جائے اس بار اگر آپ قربانی کے اگلے روز سری پائے سے ناشتہ کررہے ہوں اور ہمسائے ، چائے میں پاپے ڈبو کر کھا رہے ہوں ۔ 


👈اگر قربانی کے تیسرے دن ، آپ کے غریب ہمسائے کے گھر گوشت دھوپ میں سوکھ رہا ہے تو آپ انشاءاللہ کامیاب ہیں۔


👈قربانی میں سب سے پہلا حق غریب رشتے دار اور غریب ہمسائے کا ہے۔ 


👈آج فریزرز میں جھاڑ پونچھ کی جارہی ہے مگر کوشش کریں کہ برف ہمسائیوں سے نہ مانگنی پڑے ۔۔۔۔۔۔۔ 


جس کے گھر بھی گوشت بھیجیں ، اتنی مقدار میں ضرور بھیجیں جسے وہ فوراً پکا سکیں۔

 یہ نہ ہو کہ آپ کم گوشت بھیجیں اور انہیں دوسرے حصے کا انتظار کرنا پڑے۔ 


👈اوجڑی گوشت میں ڈال کر نہ بانٹیں ویسے ہی سالم کسی کو دے دیں ۔  


زیادہ بناوٹی متقی بننے کے چکر میں اپنے گھر والوں کو ، بچوں کو ہرگز ہرگز کسی خاص چیز کے اٹھانے اور کھانے سے محروم نہ کریں۔ 

یہ انتہا پسندی اسلام میں ممنوع ہے۔ اگر گھر کا کوئی بچہ گوشت کو ہاتھ لگانے پر آپ کا تھپڑ کھا بیٹھا تو خدانخواستہ آپ کما حقہ ثواب سے محروم ہوسکتے ہیں۔


*اندازِ بیاں گر چہ شوخ نہیں ھے*


*شاید کہ اتر جائے ترے دل میں مری بات* 


عید سعیِد کے   

 پرمسرت لمحات میں خاکسار شاہ فیصل ہمدانی کو اپنی مخلصانہ دعاؤں میں یاد رکھنا نہ بھولیے گا ۔